Helse Vest RHF hadde per 31. desember 2009 driftsavtaler med 289 privatpraktiserande spesialistar, 132 innan somatikk og 157 innanfor psykisk helsevern. Desse fekk driftstilskot frå Helse Vest RHF.
I tillegg hadde det regionale helseføretaket driftsavtale med sju private ideelle sjukehus og institusjonar innanfor somatikk og psykiatri, 14 private rusinstitusjonar og fem private rehabiliteringsinstitusjonar.
For å auke kapasiteten innanfor område der det er lang ventetid, er det inngått avtalar om dagkirurgi med private tilbydarar. Ved utgangen av 2009 hadde Helse Vest avtaler med seks private spesialistar og fire private kommersielle klinikkar og sjukehus. I tillegg har Helse Vest RHF avtaler med seks private laboratorium og røntgeninstitutt.