Best på rask behandling mot hjerneslag

Nye tal frå OECED viser at Helse Vest har auka behandlinga mot hjerneslag betydeleg, og bidreg dermed til at Noreg ligg i verdstoppen mot hjerneslag.

Av Siri Tjessem Fjælberg, Helse Vest RHF

Dei nye tala blei lagde fram i ei pressemelding frå Helse- og omsorgsdepartementet i dag.

I 2. tertial vier OECD-rapporten at Helse Vest har auka talet på dei som får trombolysebehandling frå 11,1 prosent i 1. tertial til 17,6 prosent i 2. tertial.

– Dette er gode resultat som viser at det nyttar å satse på å betre kvaliteten i behandlinga slik regjeringen har lagt opp til. Vi har grunn til å vere stolte av dagens resultat, men eg vil fortsetje arbeidet for å få ned dødstala ytterligare. Ein viktig del av arbeidet mot hjerneslag er at fleire får den nye moderne akutt blodproppoppløysande behandlinga. Målet på sikt er at 20 prosent av alle pasientar under 80 år skal få denne, seier helse- og omsorgsminister Anne- Grete Strøm- Erichsen.

Statsministeren og helse- og omsorgsministeren besøkte tidlegare i haust Helse Stavanger, i samband med dei gode resultata frå vest.

Les heile pressemeldinga frå Helse- og omsorgsdepartementet.

Kva er trombolyse?
Hjerneslag er som oftast forårsaka av blodpropp (85 prosent) og blir då kalla hjerneinfarkt. Trombolyse er ei behandling som løyser opp blodproppen ved hjelp av medisinar. Behandlinga bør starte innan 4,5 timar etter at symptoma begynte. Dei vanlegste symptoma på hjerneslag er plutseleg lamming i den eine sida av ansiktet og kroppen, og vanskar med å snakke.

Fakta: Hjerneinfarkt