Nye rutinar for tilvising til private rehabiliteringsinstitusjonar 

Dette gjeld også for tilvisingar til ordninga Raskare tilbake i dei private rehabiliteringsinstitusjonane.

Den regionale vurderingseininga er lagt til Regionalt kompetansesenter for habilitering og rehabilitering, som er lokalisert til Helse Bergen.

Tilvisingane skal sendast til:

Regional vurderingseining for rehabilitering,

Regionalt kompetansesenter for habilitering og rehabilitering

Nordåsgrenda 4

5235 Rådal

Fram til elektronisk meldingsutveksling mellom primær- og spesialisthelsetenesta er på plass, skal alle tilvisingar til rehabilitering i spesialisthelsetenesta sendast på standardisert tilvisingsskjema for rehabilitering.
Tilvisingsskjema

Rett vurdering og prioritering

Føremålet med å etablere ei regional vurderingseining for rehabilitering er å sikre at pasientane som blir tilvist til dei private rehabiliteringsinstitusjonane, blir vurderte og prioriterte i tråd med pasientrettigheitslova, prioriteringsforskrifta og prioriteringsrettleiarar.

I tillegg skal vurderingseininga bidra til betre samordning av tenestene til pasientane. Målet er i større grad å yte samanhengande tenester til pasienten ved betre utnytting av rehabiliteringstilbodet i regionen, og dermed bidra til at færre treng å reise ut av regionen.

Den regionale vurderingseininga vil ut frå beskrivinga av behova til pasienten i tilvisinga, finne det rehabiliteringstilbodet som er best eigna. Beskriving av funksjonsnivå og mål for opphaldet er vesentleg i denne samanheng.

Du finn ei samla oversikt over dei private rehabiliteringsinstitusjonane Helse Vest har avtale med på  via menyen til høgre. Ei samla oversikt over det totale rehabiliteringstilbodet i regionen og i dei andre helseregionane finn du på nettstaden til Regionalt kompetansesenter for habilitering og rehabilitering.

Meir informasjon