Målet med kampanjen er at fleire får behandling i tide og overlever med god livskvalitet. Kunnskapen om symptom på hjerneslag skal byggast opp og terskelen for å ringje 113 ved mistanke om hjerneslag skal senkast.
Hovudbodskapane er enkle og konkrete:
- Er det plutseleg vanskeleg å prate, smile eller løfte armane kan det vere hjerneslag.
- Ring 113, kvart sekund tel.
Kampanjen vil bestå av fleire element, deriblant ein reklamefilm på TV som vil gå i 2-3 veker etter kampanjestart. Andre kampanjeelement vil vere aktive ut året.
For å få mest mogleg ut av det nasjonale løftet treng vi di hjelp. Vi håper du kan bidra med å spreie bodskapen i kampanjeperioden.
Med god informasjon kan vi gjøre en forskjell. Kjenner du til symptoma, kan du redde liv.
Av:
Camilla Loddervik