Kvinnsland tilbake som styreleiar

Frå onsdag 1. februar er Stener Kvinnsland tilbake på plass som styreleiar i Helse Stavanger.

Foto. Stener Kvinnsland.
Foto: Helse Bergen

Kvinnsland valde å trekkje seg på grunn av sjukdom i oktober 2016.

– Eg er motivert for å ta fatt igjen og ser fram til å leie styret i Helse Stavanger framover. Det skjer mykje spennande i føretaket og eg er glad for å få ta del i det, seier Stener Kvinnsland.

Også administrerande direktør i Helse Vest, eigarføretaket til Helse Stavanger, er fornøgd.

– Det er ei stor glede å ha Stener tilbake som styreleiar. Med hans kunnskap, kompetanse og erfaring, har han dei beste føresetnader for å leie styret i føretaket vidare, seier Herlof Nilssen.