Internasjonal forsking viser over tid at 30-50 prosent av alle registrerte seksuelle overgrep mot barn (0-17 år), har vore utøvd av andre mindreårige. Problematisk (PSA) og skadeleg (SSA) seksuell åtferd blant barn kan utøvast både i fysiske møte og eller ved bruk av internett og teknologi.
Gjennom åra har det blitt sett inn mange tiltak for betre å kunne hjelpe barna som utsettast for ulike typar overgrep, men også barn som har utøvd PSA og SSA har behov for vidare rettleiing, behandling eller annan type hjelp. Dette for vidare å utvikle seg nærare pro-sosial og pro-seksuell utvikling – og for å redusere eller stoppe ny uønskt åtferd og forhindre ytterlegare skadar.
Sidan 2017 har sentrale styresmakter i Noreg satsa på å utvikle betre basis og spesialkompetanse på PSA og SSA – blant anna hos tilsette i spesialisthelsetenesta for barn og unge (psykisk helsevern, habiliteringstenesta).
Trippelprosjektet SSA
Det er i 2023 inngått ein avtale mellom Helse Vest og Helsedirektoratet for å vidareføre arbeidet som tidlegare har vore gjennomført i spesialisthelsetenesta. Betanien sjukehus i Bergen skal leie prosjektet på vegner av Helse Vest. Prosjektperioden er 2023 (april) – 2026 (juni).
Budsjettramme er 5,3 millionar.
Nærmare overordna prosjektplan kan eventuelt delast med interesserte – kontakt prosjektleiar: