Vårt oppdrag

We recommend that you upgrade to the latest version of your browser.

Vi har to lovpålagde oppgåver

Vi eig helseføretaka i helseregionen (eigaransvar).
Vi skal sørgje for at befolkninga i helseregionen blir tilboden spesialisthelsetenester (sørgje-for-ansvar).

Dei fire regionale helseføretaka i Noreg, Helse Sør-Aust, Helse Nord, Helse Midt og Helse Vest, har ansvar for spesialisthelsetenesta i kvar si region.

Oppgåva vår er å sørgje for god behandling, forsking, utdanning og opplæring av pasientar og pårørande.

Les om hovudoppgåvene våre; behandling, forsking, utdannning og opplæring av pasienter og pårørande.

Helse Vest RHF eig fire sjukehus i regionen som behandlar pasientar. Det er Helse Stavanger, Helse Bergen, Helse Førde og Helse Fonna.
Vi eig også dei regionale verksemdene Sjukehusapoteka Vest og Helse Vest IKT AS.
Vi kjøpar i tillegg helsetenester frå private, ideelle insitusjonar og privat aktørar.
Me har og samarbeidsavtalar med private legar, psykologar og psykiatrar (avtalespesialistar).
Nokre oppgåver blir løyste gjennom nasjonale selskap, som er eigde av dei regionale helseføretaka i fellesskap.

Helse Vest RHF får oppdraget sitt frå Helse- og omsorgsdepartementet (HOD). Det blir gitt gjennom sjukehustalen, oppdragsdokument og protokoll frå føretaksmøte i januar kvart år. HOD kan også gi tilleggsoppdrag gjennom året.

Du finn lenkjer til dei viktigaste lovane for sjukehus, korleis du finn fram til relevante forskrifter, rundskriv utarbeidd av HOD og Helsedirektoratet på regjeringen.no.

Helse Vest RHF er den strategiske eininga som eig helseføretaka i regionen.

Helse Vest RHF eig fem føretak; Helse Stavanger, Helse Fonna, Helse Bergen, Helse Førde og Sjukehuspoteka Vest. I tillegg eig vi Helse Vest IKT AS.

Alle dei fem føretaka og Helse Vest IKT AS får årlege styringsdokument frå Helse Vest RHF, der mellom anna oppdrag fra Helse- og omsorgsdepartementet (HOD) blir vidareført. Styringsdokumenta blir vedtatt i føretaksmøte mellom Helse Vest RHF og helseføretaka, og i generalforsamling for Helse Vest IKT AS.

Styringsdokument frå Helse Vest RHF til sjukehusa, SAV og Helse Vest IKT 2025:

Visjonen er at vi skal fremje helse, meistring og livskvalitet.

Få oversikt over planane og strategiane våre.

Du kan sjå vedtektene til Helse Vest RHF på regjeringen.no.

Det er rapporterings- og oppfølgingsmøte mellom Helse- og omsorgdepartementet og dei regionale helseføretaka fleire ganger i løpet av året.
Når året er slutt, rapporterar Helse Vest RHF og dei tre andre helseregionane inn korleis vi har løyst årets oppdrag. Dette dokumentet heiter årleg melding, og svarer heilt konkret på om bestillingane. Du finn årleg melding på regjeringen.no.
I tillegg kjem årsrekneskap og ein tilhøyrande årsrapport. Sjå årsrapportane på helse-vest.no.
Det blir også laga regelmessig statusrapportar gjennom året, som blir lagt fram for styret i kvart enkelt helseføretak. Du kan sjå styresakene i styremøta til Helse Vest RHF på helse-vest.no.
På leting etter tal? Du finn statistikk, rapportar og analyser innan helse hos Helsedirektoratet.