KLINBEFORSK utlysing 2022
Dei regionale helseføretaka lyser i 2022 ut kring 100 millionar kroner i tematisk ope utlysing til kliniske multisenterstudium. Måla er å betre eksisterande behandlingsrutinar og/eller utvikle eller evaluere nye. For alle søknadar er det sett krav om deltaking frå kliniske forskingsmiljø i alle helseregionar, tilrettelegging for lik tilgang for pasienter nasjonalt og brukarmedverknad.
Utlysinga er tematisk open for alle dei kliniske fagområda og skal søkje å dekkje kunnskapsbehov av stor betyding for pasientbehandlinga.
Søknadsfristen er 29. april 2022 kl. 16:00.
Om programmet
Nasjonalt program for klinisk behandlingsforsking i spesialisthelsetenesta, KLINBEFORSK, skal bidra til at fleire norske pasientar får tilbod om deltaking i kliniske studium. Programmet er eigd av dei regionale helseføretaka og er sett opp som eit ledd i oppfølginga av regjeringas handlingsplan for HelseOmsorg21.