Vi tilrår at du alltid nyttar siste versjon av nettlesaren din.
En person i dress

Avtalespesialistar

Vi har i underkant av 260 avtalespesialistar i regionen innanfor somatikk og psykisk helsevern.

Helse Vest har ansvar for avtalene med dei avtalespesialistane.

Praktisk informasjon

Det er fastlegen som må vise pasienten til ein avtalespesialist.

​​​​​​​​​​​​​​​​​​​​​​​​​​​​​​​​​​​​​​​​​​​​​​​Pasienten betaler eigendel for konsultasjon hos ein privatpraktiserande spesialist som har driftsavtale med Helse Vest.​

Eigendelen er fastsett av sentrale myndigheiter. 

Oversikt over avtalespesialistane

​​​Oversikta over dei avtalespesialistane som har driftsavtale med Helse Vest, er delt inn etter fylke og spesialitet.​​


Meir informasjon på Helsenorge​

Avtalespesialistordninga er regulert gjennom Statsavtalen, Rammeavtalen inngått mellom dei fire regionale helseføretaka og Den norske legeforening/Norsk Psykologforening, individuell avtale og samarbeidsavtale mellom avtalespesialisten og det aktuelle helseføretaket.

Avtalespesialisten skal bidra til å oppfylle sørgje-for-ansvaret til Helse Vest RHF. Det inneber mellom anna at avtalespesialisten skal gjennomføre undersøkingar, diagnostikk og behandling i samsvar med regionale og nasjonale mål og prioriteringar og lovverk, jf. punktet til rammeavtalen 4.1.

I sørgje-for-ansvaret er det ei forventning om at avtalespesialistane skal bidra til å redusere ventelistene ved aktuelt helseføretak.​​​​

Dei regionale helseføretaka, Legeforeininga og Psykologiforeningen har i nasjonale rammeavtalar avtalt at alle tilvisingar innan psykisk helsevern skal sendast til sjukehus. Denne ordninga blir kalla «Tilvising til psykisk helsevern – éin veg inn».

«Tilvising til psykisk helsevern – éin veg inn» er no etablert i alle sjukehus i helseregion Vest. Ordning skal sikre at alle pasientar får like rettar. Alle tilvisingar til psykisk helsevern blir no sendt til lokalt DPS, også tilvisingane som tidlegare blei sende direkte til avtalespesialist.

Pasientar som har ønske om spesifikk behandlingsstad, kan framleis be om dette.

Sist oppdatert 12.09.2025