Heile 19 millionar til regionale innovasjonsprosjekt i Helse Vest 2025 - 2027

Leiinga i Helse Vest RHF valde å dele ut heile 19 millionar til innovasjonssatsinga. Fem av millionane går til øyremerka innovative løysingar innan kreft, som er ei felles finansiering med Kreftforeningen. 

Totalt får 23 prosjekt stønad, 12 i kategorien «nye innovasjonsprosjekt», 5 «idéoverføring» og 6 prosjekt øyremerka samarbeidet med Kreftforeningen. 

Til søknadsfristen 29. januar 2025 kom det inn 61 søknadar og det blei søkt om totalt 54 millionar kroner.  

Innovative løysingar og ventetidsløftet 

Mange av søknadane som får stønad har høg relevans for ambisjonane om å senke ventetidene i spesialisthelsetenesta. Søknadane syner høg innovasjonsaktivitet i heile føretaksgruppa. 

– Vi er svært nøgd med at så mange har søkt innovasjonsmidlar, og at så mange av søknadane held høg kvalitet, seier Lena Forgaard, seniorrådgivar og innovasjonsansvarleg i Helse Vest RHF.

Takka vere samarbeidet med Kreftforeningen, kunne vi også denne gongen dele ut ekstra midlar, øyremerka innovasjonsprosjekt innan kreft. Dette ga i år god uttelling for dei som har søkt. 

– Vi er veldig glade for at dette gir oss høve til å finansiere seks prosjekt som vil komme kreftpasientar til gode i åra framover, seier Forgaard.

Alle som har sendt inn søknad vil få ei tilbakemelding. Dei som får stønad vil få eit tildelingsbrev med meir informasjon om vilkåra for stønad og stønadsbeløp.  

Desse får innovasjonsstøtte:  

Det er leiarmøte i Helse Vest RHF som har vedteke den endelege tildelinga av midlar, basert på arbeidet frå innovasjonskomiteen. 

Nokre av søkarane må bekrefte om dei godtar vilkår for tildelinga, før det er klart om dei får midlar (sjå tabell). 

Sjå kven som har fått innovasjonsmidlar (PDF)