To sykepleiere går i en gang. Smiler. Foto.

Miljø og samfunnsansvar

Vi skal gjere vårt for å redusera utslepp frå eiga drift. Hovudmålet vårt er å redusere CO2-utsleppet med 40 prosent innan 2030.

Om miljøarbeid​et i Helse Vest

FN har slått fast at klimaendringane er ein trussel for menneskeheita, men endringane er også, ifølge Verdens Helseorganisasjon, den største helsetrusselen vi står overfor.

Spesialisthelsetenesta er ein stor samfunnsaktør med eit stort samfunnsansvar. 

Med 150 000 tilsette frå Hammerfest til Kristiansand og omlag 2,2 millionar pasientar innom årleg, set norske sjukehus eit solid avtrykk. Potensialet for å kutte utslepp er stort. Men for å utnytte det potensialet er omstilling naudsynt.

Difor har ei samla spesialisthelseteneste i Noreg vedteke eit felles rammeverk og mål for å redusere CO2-utsleppet vårt​. Hovudmålet vårt er å redusere CO2-utsleppet med 40 prosent innan 2030. Det langsiktige målet er å ha ei klimanøytral verksemd innan 2045.​​

​Vi får også nasjonale føringar og oppdrag:​​

Miljøpolitikk for Helse Vest RHF

Helse Vest RHF skal vere miljøleiande i rolla som eigar av helseføretak.

Ved å ha miljøbevisste medarbeidarar skal vi​​ gå føre som eit godt døme for å redusere negativ miljøpåverknad frå oppgåvene vi gjer.

Det skal vere merksemd i heile organisasjonen på kontinuerlig forbetring i miljøarbeid innanfor alle aktivitetar som vi utfører og initierer som eigar av helseføretak.

Vi skal gjennom vår rolle ha fokusere på at miljøomsyn blir ivaretekne i alle prosjekt som blir utvikla og sett i gang i helseregionen.

Regional miljøfaggruppe i Helse Vest

Den regionale miljøfaggruppa har som formål å bidra til effektivt arbeid gjennom erfaringsutveksling og deling av prosedyrar og dokumentasjon knytt til miljøsertifisering og andre aktivitetar.

Kurs og seminar

Vert publisert på vår felles interregionale nettside Grønt Sykehus.​

Miljøprisen

Kjenner du nokon som har stimulert til nytenking og innsats i miljøarbeidet ved ditt helseføretak, eller som med sin miljøinnsats framstår som eit godt eksempel for andre? Formålet med prisen er å stimulere til godt miljøarbeid i spesialisthelsetenesta. Miljøprisen er ein heiderspris og ei påskjøning for ekstraordinær innsats utover det som er vanleg i jobbsamanhang.

Alle medarbeidarar i helseføretaka kan nominere kandidatar.

Nasjonalt samarbeidsutval

Samarbeidsutvalet skal sikre eit samordna og heilskapeleg samarbeid mellom helseregionane innanfor klima og miljø i spesialisthelsetenesta.

Samarbeidsutvalet skal vere ein arena for samarbeid og utveksling av erfaringer i miljø- og klimaarbeidet som kan ha betydning ut over den enkelte region.

Samarbeidsutvalet skal sikre at arbeidet i regionene samsvarer med krav frå HOD og bidreg til å nå dei nasjonale miljø- og klimamåla.​

Spesialisthelsetenesta sin rapport for samfunnsansvar

Sentrale​ dokument

Interregional indikatorkatalog

Rapporteringsmal på felles klima- og miljømål

Sentrale føringar og lovverk

 
 

Forsidebilde: Kjetil Alsvik

Fann du det du leitte etter?