Styret har det overordna ansvaret for Helse Vest RHF, inkludert dei fem helseføretaka og IKT-selskapet i regionen. Styret har ansvaret for at oppgåvene i helseføretaka blir løyste til det beste for pasienten.
Styret i Helse Vest består av likestilte representantar som er oppnemnde av Helse- og omsorgsdepartementet, og representantar som er valde av og blant dei tilsette.
Agnes Landstad
Styreleiar sidan 2022
Styreleiar
Agnes Landstad har lang erfaring frå leiing og styrearbeid i helsesektoren, og er no dagleg leiar i Forskningsinstituttenes fellesarena (FFA). Landstad har tidlegare vore direktør i Vestlandsforsking, utviklingsdirektør i Sogn og Fjordane fylkeskommune, utviklingsdirektør i Helse Førde HF og styreleiar i Helse Førde HF. Ho har brei kompetanse innan forsking, innovasjon og strategisk utvikling, og har utdanning frå NMBU og BI. Ho har vore busett i Sogn og Fjordane det meste av livet og dei siste åra i Lillestrøm.
Oddvar Kaarbøe
Nestleiar sidan 2022
Nestleiar
Oddvar Kaarbøe er professor i helseøkonomi ved Universitetet i Bergen. Han har doktorgrad i samfunnsøkonomi og lang erfaring med forsking på helseøkonomi, styringsmodellar og bruk av økonomiske insentiv i helsetenesta. Kaarbøe har hatt fleire sentrale verv og bidreg med kompetanse innan prioritering, ressursbruk og strategisk utvikling i spesialisthelsetenesta. Han er busett i Ulset i Bergen kommune.
Anne Karin Hamre
Styremedlem sidan 2022
Styremedlem
Anne Karin Hamre er direktør ved Vestlandsforsking. Ho er cand.polit. med hovudfag i administrasjons- og organisasjonsvitskap frå Universitetet i Bergen, og har bakgrunn som ekspedisjonssjef i Kommunal- og moderniseringsdepartementet og som fylkesmann i Sogn og Fjordane. Hamre har lang erfaring frå leiing, forvaltning og samfunnsutvikling, og har hatt fleire styreverv innan forsking og innovasjon. Ho er busett i Sogndal.
Tord Anton Haaland
Styremedlem sidan 2022
Styremedlem
Tord Anton Haaland er lege og spesialist i allmennmedisin og samfunnsmedisin. Han har tidlegare vore kommuneoverlege i Time kommune, helsesjef i Stavanger kommune, og er no fastlege og dagleg leiar i Hillevåg legesenter i Stavanger. Haaland har særleg kompetanse innan primærhelsetenesta, organisasjonsutvikling og samhandling mellom kommunale og spesialiserte helsetenester. Han er busett i Stavanger.
Pål Eikeseth
Styremedlem sidan 2024
Styremedlem
Pål Eikeseth er konserndirektør for modifikasjon og vedlikehaldsegmentet, Life Cycle, i Aker Solutions. Han har hatt denne rolla sidan 2022. Tidlegare har han hatt fleire leiarstillingar i Aker Solutions, blant anna som direktør for Performance and Transformation. Eikeseth har også bakgrunn frå det globale konsulentselskapet PwC, der han jobba i fleire år. Han er busett i Bergen.
Hege Solbakken
Styremedlem sidan 2022
Styremedlem
Hege Solbakken har erfaring frå leiing, strategi, omstilling, politikk og styrearbeid. Ho har vore toppleiar i Jefferson Wells, i Offshore Media Group og i Maritimt Forum Norge, og regiondirektør i IT-selskapet Experis. Ho er statsvitar og var statssekretær i regjeringa Stoltenberg (2005-2012) og politisk rådgivar i regjeringa Bondevik 1. Solbakken er styremedlem i Austevoll Seafood ASA, Voss Veksel- og landmannsbank ASA, nestleiar i styret i Varanger Kraft og styreleiar i Midtun Vekst og i Bønes Virik, der ho er partner og konsulent. Solbakken er oppnemnd til Stortingets kontrollutvalg for dei hemmelege tenestene.
Wenche Kristin Røkenes
Styremedlem siden 2020, valt av tilsette
Styremedlem
Wenche Kristin Røkenes har lang erfaring som tillitsvald i spesialisthelsetenesta, og har vore føretakstillitsvald for Norsk Sjukepleiearforbund og styremedlem i Helse Førdei frå 2011-2019. Ho er no konserntillitsvald for Unio i Helse Vest. Røkenes sit i styret som representant for dei tilsette. Ho er busett i Ikjefjord i Bjordal i Vestland.
Linda Karin Gangstøe
Styremedlem sidan 2023, valt av tilsette
Styremedlem
Linda Karin Gangstøe har vore konserntillitsvald for LO stat sidan 2021, og har lang erfaring som tillitsvald i Helse Bergen. Forbundstilhøyrsel er Fagforbundet. Ho er utdanna autorisert helsesekretær med etter- og vidareutdanning i helseadministrasjon. Ho har og kortare studium i arbeidsrett og tillitsvaldopplæring frå eigen organisasjon i LO/UIB og høgskolen i Innlandet. Gangstøe har jobba i spesialisthelsetenesta sidan 1997. Ho er busett i Bergen.
Lars Kåre Kleppe
Styremedlem sidan 2025, valt av tilsette
Styremedlem
Lars Kåre Kleppe er overlege ved Stavanger universitetssjukehus, og er spesialist i indremedisin og infeksjonssjukdommar. Kleppe har erfaring som føretakstillitsvald for Yngre legers foreining og som styremedlem i Helse Stavanger. Han er busett i Stavanger.
Observatør med møte- og talerett
Regionalt brukerutval (RBU) er et rådgivande organ for styret og administrerande direktør i Helse Vest RHF, og medvirkar på overordna og strategisk nivå. Det er to brukarrepresentantar i styret, som har ei observatørrolle med møte- og talerett.
Atle Lunde
Brukarrepresentant i styret sidan 2023
Atle Lunde er leiar for Regionalt brukarutval i Helse Vest. Han har lang erfaring frå organisasjonsarbeid, mellom anna som forbundsleiar i Norges Blindeforbund i åtte år. Lunde har særleg kompetanse innan universell utforming, brukarmedverknad og pasientrettar, og arbeider for å styrke pasient- og pårørandeperspektivet i helsetenesta. Han representerer Funksjonshemmedes Fellesorganisasjon (FFO) Rogaland og er busett i Rogaland.
Linda Haugland
Brukarrepresentant i styret sidan 2025
Linda Haugland er nestleiar for Regionalt brukerutval i Helse Vest. Ho har organisasjonserfaring frå Autismeforeningen. Haugland er opptatt av samhandling mellom primær- og spesialisthelsetenesta, og helsekompetanse i befolkningen. Ho representerer Funksjonshemmedes Fellesorganisasjon (FFO), og bur i Vestland.
Hovudoppgåvene til styret
- den strategiske utviklinga for spesialisthelsetenesta på Vestlandet.
- utvikling av helsefagleg kvalitet og tenesteinnhald. Styret skal leggje til rette for eit best mogleg helsetilbod i regionen ved bruk av dei ressursane vi har. På regionalt nivå vil det ofte dreie seg om fellesoppgåver i helseføretaksgruppa.
- organisering og leiing av den samla verksemda i det regionale helseføretaket
- tilsyn og kontroll med verksemd og drift i det regionale helseføretaket, helseføretaka og andre verksemder Helse Vest RHF eig. Styret fører tilsyn med at føretaka driv forsvarleg og arbeidar systematisk med kvalitetsforbetring.