Avtale med Volvat om urologitenester
Helse Vest inngår avtale med Volvat Medisinske Senter på Forus for urologiske helsetenester. Avtalen er inngått for å avlaste Helse Stavanger og redusere ventetidene på urologi.
Almmuhuvvon 2024-07-15
Avtalen gjeld frå 1. september, for pasientar som er ferdig utgreidd og som ventar på tid for behandling.
I samband med ventetidsløftet er Helse Vest og helseføretaka på Vestlandet i gang med å identifisere område der det er aktuelt å supplere tilbodet i sjukehusa med kjøp hos private. Ein gjer då ei vurdering av behov for kjøp frå private eller auke aktiviteten for avtalespesialistar, sett opp mot tiltaka sjukehusa gjer for å redusere ventetidene.
AVTALER MED PRIVATE LEVERANDØRER AV HELSETENESTER:
Helse Vest RHF kjøper helsetenester frå fleire private og private ideelle verksemder.
- 240 privatpraktiserande spesialistar, 119 innanfor somatikk og 121 innanfor psykisk helsevern (per desember 2023)
- sju private ideelle sjukehus og institusjonar innanfor somatikk og psykiatri, fem private rusinstitusjonar og åtte private rehabiliteringsinstitusjonar i helseregionen
- tilleggsavtalar knytt til Helse Sør-Øst sine avtaler med private rehabiliteringsinstitusjonar, nytta av pasientar frå Helse Vest
- to private leverandørar om poliklinisk arbeidsretta behandling for personar med angst og depresjon
- ein privat leverandørar av laboratorietenester
- to avtalar leverandørar av radiologitenester