Regionale fagnettverk i Helse Vest

Barn og ungdom med livstruande eller livsbegrensande tilstand skal ha tilbod om palliativ behandling og omsorg uansett diagnose. 

Barne- og ungdomsavdelingar og klinikkar skal etablere barnepalliative team. I vår helseregion skal teama samarbeide i et regionalt fagnettverk.

Hovudformålet med regionalt fagnettverk for CBRNE er å bidra til at dei lokale føretaka er i stand til å handtere CBRNE-hendingar i Helse Vest på best mogleg måte og i samsvar med gjeldande føringar. 

Nettverket skal bidra til

• ei einsarta og samordna tilnærming til CBRNE- beredskap i regionen

• stimulere til fagleg samarbeid på tvers av føretaka i regionen, ved å styrke fagkunnskap og bidra til kompetanse - og erfaringsutveksling på tvers

• fagutvikling, kvalitetsforbetring og betre organisering for å unngå uønskt variasjon i og mellom føretaka i Helse Vest

• å bygge relasjonar med samvirkeaktørar

Regionalt fagnettverk for habilitering omfattar både habilitering for barn og unge (HABU) og habilitering for vaksne (HAVO). 

Formålet er at nettverket bidrar til samordning, styring og oversikt over fagleg utviklingsarbeid. Nettverket skal legge til rette for tverrfagleg samhandling om fagutvikling og kvalitetsforbetring.

Regionalt fagnettverk for intensivmedisin i Helse Vest (REGINT Vest) er et organ for samarbeid og koordinering under pandemier, og andre særskilte og utfordrende situasjoner med press på intensivkapasiteten i Helse Vest. 

Fagnettverk for intensivmedisin skal også fungere som et bindeledd mellom intensivenhetene i Helse Vest i ordinær driftssituasjon.

Hovedformålet for nettverket er å styrke informasjonsutveksling, kommunikasjon, faglig samhandling og utvikling på fagfeltet intensivmedisin i regionen.

Regional klinisk ressursgruppe for barn og unge med CFS/ME skal medverke til:

• at tilbodet i Helse Vest til born og unge med CFS/ME er einsarta og held høg fagleg kvalitet medsamordna pasientforløp i og mellom tenestenivå,

• styrking og oppbygging av kompetanse innan fagområde.

Faglig nettverksgruppe for KDS skal først og fremst fungere som fast fagforvaltning for regional klinisk dokumentasjon i sykepleiepraksis (KDS).

Nettverksgruppen fungerer som et faglig råd, for avklaring av behov til teknisk og funksjonell forvaltning og utvikling av EPJ-system i Helse Vest. 

Det regionale fagnettverket skal bidra til ei styrka og samordna utvikling i Helse Vest av behandlingstilbodet til personer med kjønnsinkongruens (gjeld også andre med behov for kjønnsbekreftande behandling).

Nettverket har følgjande oppgåver
 

• etablere systematisk samarbeid om fag- og kompetanseutvikling, erfaringsutveksling og rettleiing mellom regionalt senter, lokale behandlingstilbod, brukarorganisasjonar og samarbeidspartnarar i kommunar

• bidra til å utvikle gode og samanhengande pasientforløp for personar med kjønnsinkongruens, i samsvar med «Nasjonal faglig retningslinje for helsetjenestetilbudet til personer med kjønnsinkongruens».

• utarbeide kunnskapsbaserte regionale retningslinjer og prosedyrar 

• bidra til at retningslinjene og prosedyrane blir godkjende i kvart helseføretak, og blir implementert ved kvart helseføretak.

• gjennomføre brukarerfaringsundersøking 

• innhente kunnskap om, utvikle og leggje til rette for bruk av løysingar for samval i tenestene, som vil ivareta reell medverknad - og i planlegging, utprøving og tilpassing av behandlingstilbod.

• utforske bruk av e-helseløysingar der avstand er stor, og der pasientane ønskjer det

• søkje dialog og samarbeid med nasjonalt senter og andre regionale kompetansenettverk

• innhente kunnskap frå nasjonale behandlingsteneste

Bergen HF har etablere eit regionalt senter for kjønnsinkongruens/kjønnsbekreftende behandling.
 

Nettverket skal bidra til sikre auka standardisering og samarbeid i regionen. Dette skal mellom anna skje gjennom å sikre at tiltaka frå regional plan som er lista opp under blir sett i verk:
 

Mål 1: Sikre fagleg kvalitet.

• Tiltak 1.2: Etablere analysepakkar og pakkeforløp for viktige medisinske tilstandar.

Mål 2: Sikre tilfredsstillande laboratoriekapasitet for innbyggarane i Helse Vest-området.

• Tiltak 2.1: Auke kapasiteten innan patologi, slik at alle prøver kan undersøkast i Helse Vest.
• Tiltak 2.2: Det bør utarbeidast planar for utskifting og fornying av medisinsk-teknisk utstyr.

Mål 3: Sikre bærekraftige fagmiljø

• Tiltak 3.1: Etablere faglege kontaktpunkt.

Mål 4: Sikre at laboratoria vert regionens føretrekte leverandør av laboratorietenester.

• Tiltak 4.1: Sikre elektronisk rekvirering og hensiktsmessig svarformidling i alle laboratoria.

Mål 5: Sikre beredskap

• Tiltak 5.1: Laboratoria må utarbeide beredskap for eventuell driftsstans.
• Tiltak 5.2: Beredskap mot smittsame sjukdomar må vere del av laboratoria sine planar, og inngå som tema på regionale samarbeidsmøte.
   

Mål 6: Sikre effektiv arbeidsflyt og god ressursutnytting.

• Tiltak 6.1: Samordne laboratorieinformasjonssystema og mellomvareløysingane i Helse Vest, der det er hensiktsmessig.
• Tiltak 6.2: Harmonisere rekvirentregistra i Helse Vest.
• Tiltak 6.3: Etablere digital patologi i Helse Vest.
• Tiltak 6.4: Legge til rette for innsyn i dei ulike laboratoria sine prosedyresystem.
• Tiltak 6.5: Etablere leiarforum innan kvar spesialitet.

Regionalt fagnettverk for legemiddel skal vera eit rådgivande og koordinerande organ for regionen i legemiddelsaker.

Fagnettverket skal leggja til rette for fagleg samhandling på tvers av helseføretak, meir systematisk læring på tvers, reduksjon av uønskt variasjon og harmonisering av praksis på legemiddelområdet.  

Regionalt fagnettverk for legemiddel skal bidra til at legemiddeloppgåver blir løyste med best mogleg kvalitet, pasienttryggleik og effektiv ressursutnytting.

Fagnettverket skal sørge for systematisk involvering og forankring i legemiddelsaker, på tvers av HF og nivå (HF/RHF/nasjonalt). 

Regionalt fagnettverk for legemiddel skal

• vareta ei heilskapleg og samordna tilnærming til legemiddelområdet i regionen 

• gi regionalt koordinerte, faglege legemiddelråd, forankra i relevante fagmiljø 

• vere eit forum for informasjonsutveksling og erfaringsdeling 

• etablere, samordne og koordinere undernettverk, som fremjar samarbeid mellom relevante aktørar i helseføretaka i Helse Vest 

• ha dialog og samarbeid med relevante aktørar, både på lokalt, regionalt og nasjonalt nivå 

• etablere og avvikle arbeidsgrupper etter behov 

Målet er å bidra til at pasientar og pårørande får eit kunnskapsbasert og likeverdig tilbodet i heile regionen.

Nettverket skal bidra til å styrke kompetansen innanfor læring og meistring, og bidra til ei samordna utvikling av arbeidsområdet i Helse Vest.

Opplæring av pasientar og pårørande er eit område i endring, mellom anna som følgje av samhandlingsreforma. Nettverket skal bidra til å finne balansen mellom kva for opplæringsoppgåver som skal løysast i kommunane og kva som skal løysast i spesialisthelsetenesta.  

Hovudoppgåva til nettverket er å gi innspel til Helse Vest RHF når det gjeld utvikling av pasient- og pårørandeopplæring i Helse Vest. Blant anna vil det seie å utarbeide eit forslag til handlingsplan for feltet. Utvikling av standardiserte arbeidsmetodar og kunnskapsdeling i regionen er vesentlege moment i ein handlingsplan. Handlingsplanen skal ha eit treårsperspektiv, og prioritere mellom kortsiktige og langsiktige tiltak. 

Andre hovudoppgåver for nettverket er å bidra til

• fag- og kompetanseutvikling 

• koordinering mellom helseføretaka 

• samarbeid med og kompetansespreiing til kommunar  

• nasjonalt og inter-regionalt samarbeid 

Det regionale fagnettverket skal bidra til auka samarbeid, erfaringsutveksling, kvalitetsarbeid og utvikling av nettbasert behandling i Helse Vest.
 

Nettverket får følgjande oppgåver

• representere Helse Vest i det interregionale samarbeidet om veileda internettbehandling

• vidareutvikle systematisk samarbeid om fag- og kompetanseutvikling med dei andre regionane

• arbeide for å auke synleggjering og pasienttilstraumning hjå klinikkane i regionen

• veilede føretak i regionen som manglar nøkkelpersonell for kompetanse

• samarbeide og dele kompetanse med andre helseaktørar som nyttar digital teknologi i regionen

• representere klinikknivået i utviklingsprosessar som involverer Helse Vest IKT eller forsking

Onkologinettverket skal

• opprette og vedlikehalde ei liste med fagansvarlege lækjer, som dekkjer alle tumorgrupper. I tillegg skal dei oppretta og vedlikehalde sjukepleiarar/stråleterapeutar med ansvar for pasientforløp.
• halda oversikt over oppgåver som fell til nettverket, fordela oppgåvene til relevante ressursar, og følgja opp at oppgåvene blir utførte. Det inneber også å bidra med å 
  • identifisera fagpersonar som kan svara ut førespurnader frå Nye metodar.
  • representera Helse Vest RHF i nasjonale forum, som Helsedirektoratet 
    (handlingsprogram, pakkeforløp osb.), Direktoratet for medisinske produkt, Sjukehusinnkjøp og liknande.
• arbeide for at faglege retningslinjer i einingane er i tråd med dei nasjonale handlingsprogramma og internasjonale tilrådingar.
• bidra til godt fagleg innhald og standardisering i felles digitale verktøy for onkologisk behandling (DIPS, MEONA/Cytodose, strukturert kreftjournal, IKT-løysing for MDT-møte og nasjonalt stråleterapiregister), og digitale helsetenester for pasientar med kreft.
• bidra til bredding og vidare utvikling av standardiserte cytostatikakurer, i tett samarbeid med Regional fagforvaltning kjemoterapi, og standardisering av anna onkologisk behandling, mellom anna immunterapi og CAR-T.
• bidra til bredding og vidare utvikling av stråleprotokollar innan foton- og protonbehandling.
• bidra med fagleg forankring av regionale pasientforløp for onkologisk behandling, og behandling av seinskadar etter kreftbehandling, tilvisingsrutinar og liknande.
• bidra til arbeidet med Comprehensive Cancer Center (Haukeland universitetssjukehus), Cancer Center (Stavanger universitetssjukehus) og andre regionale, interregionale og nasjonale utgreiingar og tiltak som gjeld kreftbehandling.

Mandatet er under revisjon, og blir oppdatert når det er klart.

Det regionale fagnettverket skal bidra til ei styrka og samordna utvikling av sikkerheitspsykiatrien i Helse Vest. 
 

Nettverket får følgjande oppgåver som er knytt til sikkerheitspsykiatri: 

• etablere systematisk samarbeid om fag- og kompetanseutvikling, erfaringsutveksling og rettleiing mellom regional sikkerheitsavdeling, regionalt kompetansesenter, lokale sikkerheitsavdelingar, brukarar og eventuelt samarbeidspartnarar i kommunar.

• bidra til å utvikle gode og samanhengande pasientforløp.

• utarbeide kunnskapsbaserte regionale prosedyrar der det er behov. 

• bidra til at prosedyrane blir godkjent og implementert ved kvart helseføretak.

• ta initiativ til gjennomføring av brukarerfaringsundersøking.

• innhente kunnskap om, utvikle og leggje til rette for bruk av løysingar for samval i tenestene, som vil ivareta reell medverknad - i planlegging, utprøving og tilpassing av behandlingstilbod.

• utforske bruk av e-helseløysingar. 

Ansvar og oppgaver

Felles fagutvikling innan revmatologi

• samarbeid mellom sjukehusa om fagutvikling
• utvikling av strukturerte pasientforløp
• utvikling av felles rutinar og standardar der det er naturlig
• samarbeid om klinisk forsking
• oppfølging av utviklinga innan revmakirurgi framover, og gi innspel til Helse Vest

Samarbeid om revmatologikompetanse

• bidra til samarbeid for å styrke tverrfagleg kompetanse innan revmatologifeltet
• gi innspel til Regionalt utdanningssenter (RegUt) og Regionale utdanningsråd for revmatologi/pediatri/ortopedi

Omlegging av revmatologitilbodet i Helse Vest

• bistå Helse Vest med å følgje med på vesentleg risiko, og iverksettinga av vesentlege risikoreduserande tiltak, som er peikt på i ROS-analysen, jamfør sluttrapporten
• koordinere ein årleg gjennomgang av status for iverksetting av dei risikoreduserande tiltak, med utgangspunkt i tiltaks- og framdriftsplan jamfør sluttrapporten
• i gjennomgangen skal det inkluderast ei vurdering av utviklinga på styringsindikatorar for omlegginga, jamfør sluttrapporten
• gjennomgang skal gjennomførast årleg i omleggingsperioden 2019-2025
• ein statusrapport med resultat av gjennomgangen skal sendast over til Helse Vest, som del av den årlege rapporteringa frå fagnettverket

Arena for samarbeid

• arrangere møte i fagnettverket
• opprette undergrupper for barne- og ungdomsrevmatologi og for revmakirurgi 
• arrangere ein årleg regional fagsamling. 

Utarbeide handlingsplan

• sette opp ein årleg handlingsplan for oppgåvene til fagnettverket. 
   

Det regionale fagnettverket skal samarbeide om fag- og kompetanseutvikling, og erfaringsutveksling, om sjølvmordsførebyggjande arbeid i Helse Vest.
 

Nettverket får følgjande oppgåver:

• etablere samarbeid om erfarings- og kompetanseutveksling om sjølvmordsførebyggjande intervensjonar og innsatsar i helseføretaka

• utarbeide, revidere og vedlikehalde kunnskapsbaserte regionale prosedyrar der det er behov

• bidra til at prosedyrane blir godkjent og implementert ved kvart helseføretak

• bidra med å implementere SIMPLE og nytt læringsverktøy 

Nettverket skal

• bidra til at traumebehandlinga i Helseregion Vest blir så optimal og heilskapleg som mogleg, uavhengig av skadestad. 

• avklare rutinar og ansvarsfordeling med tanke på å få tilvist pasientane til rett behandlingsstad, og til ein langsiktig (ofte livslang) oppfølging. 

• bygge vidare på kontakt- og overføringskriterier, med felles forståelse for struktur og organisering

• sjå til at traumesenteret utøver systemansvaret, i samarbeid med føretaka i regionen.

• sjå til at organiseringa av traumebehandlinga i helseregion vest blir følgt, og at hardt skadde pasientar blir behandla på fagleg rett nivå i regionen:

  • drøfte sentralisering til nasjonale sentra for spesielle skadetypar

  • bidra til å løyse samarbeidsutfordringar mellom helseføretaka

  • legge forholda til rette for erfaringsutveksling i føretaka om traumer

  • vera kontaktledd for primærhelsetenesta, saman med traumesenteret

  • bidra til eit konstruktivt samarbeid på tvers av ansvarsnivåa

• bidra til å forbetre utdanninga innan traume i regionen og at undervisningsaktivitetane i føretaka blir rapportert. Regionale traumesamlingar har vist seg å vera eit godt tiltak for fagleg utvikling og samarbeid i regionen.

• bidra til at traumeregisteret blir innført ved alle helseføretaka i regionen, og sjå til at helseføretaka leverer data til registeret 

Helse Vest RHF skal motta årlege rapportar frå traumesenteret og frå nettverketet.

• Nettverka skal stimulere til fagleg samarbeid på tvers av føretaka i regionen.
• Nettverka er eit rådgivande organ for Helse Vest, og har et klart mandat.
• Nettverka får eit årleg økonomisk tilskot frå Helse Vest.
• Nettverka rapporterer årleg til direktørmøtet i Helse Vest.
• Ved etablering skal varigheit for nettverket og tidspunkt for vurdering, fastsettast. Det gjerast ei vurdering av vidare drift og tilskot kvart tredje år.  

Målel med faglege nettverk kan vere

• styrking eller oppbygging av kompetanse innan et fagområde  
• reduksjon av uønskt variasjon  
• styrking av læring på tvers  
• harmonisering og samordning av pasientforløp som kryssar føretaksgrensene  
• nødvendige avklaringar ved fagleg usemje  
• samordning og samarbeid om små og sårbare fagområde som ein ønskjer å prioritere  
• samordning innan store fagområde  
• styrking av beredskap  
• føremålstenleg ressursbruk  
• utarbeiding av regional rutinar/retningslinjer 
• bidra med fagleg bistand i innkjøpsprosessar

Det finnes fleire grunnar til å lage eit fagleg nettverk i Helse Vest. 

• eksterne oppdrag (til dømes frå Helse- og omsorgsdepartementet) 
• tiltak i regionale planar 
• andre strategiske satsingar (til dømes topp fem risiko-prosjekt) 
• behov for regional samordning - enten fagleg, økonomisk eller administrativt, med bakgrunn i sørgje-for-ansvaret