Vi tilrår at du alltid nyttar siste versjon av nettlesaren din.
Psykisk helse og rus
Helse Vest RHF har ansvaret for psykisk helsevern og tverrfagleg spesialisert behandling for rusmiddelavhengigheit (TSB) til befolkninga i regionen. Behandlingstilbodet blir gitt av sjukehusa og av private avtalepartar.
Poliklinisk konsultasjon er den vanlegaste behandlinga, både innanfor psykisk helsevern og TSB, men nokre gonger er innlegging nødvendig. Det finst også dagbehandling og ambulant (oppsøkjande) behandling.
Tilvising
For å bli vurdert til behandling innanfor psykisk helsevern, må tilvisaren
sende tilvising til spesialisthelsetjenesta.
Helse Vest RHF etablerer no eit regionalt prosjekt for innføring av felles tilvisingsmottak i psykisk helsevern. Hensikta er å koordinere arbeidet mellom helseføretaka og avtalespesialistane i regionen.
Helse Vest tilbyr behandling ved barne- og ungdomspsykiatriske poliklinikkar i alle fylke på Vestlandet. Psykisk helsevern for barn og unge rettar seg mot barn og unge under 18 år med psykiske vanskar, og deira familiar.
Dette kan for eksempel vere utgreiing og behandling av angst, åtferdsvanskar, utviklingsforstyrringar, AD/HD, depresjon, tvangslidingar, autisme, sjølvmordsfare, psykose, spiseforstyrringar, skulevegring og anna. Her er våre behandlingstilbod:
Helse Bergen ivaretek den regionale funksjonen for høyrsel og psykisk helse for barn og unge. Pasientar blir tilviste til poliklinisk behandling frå sin fastlege eller BUP (barne- og ungdomspsykiatrisk poliklinikk).
Helse Bergen har ei regional avdeling som ivaretek ansvaret for eteforstyrringar. Pasientar blir tilviste frå sin fastlege, DPS (distriktspsykiatrisk senter) eller sjukehus.
Regionalt fagmiljø for autisme, ADHD, Tourettes syndrom og narkolepsi
Pasientar med autisme, ADHD og Tourettes syndrom blir utgreidde og behandla både innanfor habilitering og i psykisk helsevern, både for barn og vaksne.
Ved medikamentfri behandling mottek pasienten aktiv behandling for ei psykisk liding, utan bruk av medisinar. Pasienten kan også velje om han eller ho ønskjer å bruke færre medisiner og/eller lågare dosar. Pasienten får god informasjon om fordeler og ulemper ved dei behandlingsalternativa som finst, slik at pasienten kan velje kva behandlingsalternativ som er det beste for han eller ho.
Det medisinfrie tilbodet skal vere del av det ordinære tilbodet i psykisk helsevern, og gjeld om du er innlagt til døgnbehandling eller om du går til poliklinisk behandling.
eMeistring er rettleiia internettbehandling for dei som slit med panikkliding, sosial angst eller depresjon. Du treng ikkje tilvising frå fastlege, men kan sjølv ta direkte kontakt med eMeistring.
Pårørande kan vere foreldre, barn, søsken, ektefelle, besteforeldre, venner, partnar. Vi ønskjer å gi eit tilbod til alle som definerer seg sjølv som pårørande.
Når pasienten er i behandling, gjeld lov om pasient- og brukarettar. Då er det pasienten sjølv som bestemmer kven som er pårørande. Pårørande har då tilgang til informasjon om, og involvering i, behandlinga etter pasientens samtykke.
Pårørande har krav på generell informasjon om behandlingsstaden, uavhengig av om pasienten samtykker eller ikkje. På Helsenorge finn du meir informasjon:
