God bruk av teknologi er viktig for å redusera arbeidsbelastninga til medarbeidarar og gjere arbeidskvardagen enklare. Digitalisering skal bidra til at medarbeidarane får ein betre arbeidskvardag og at pasientar får god behandling.
Strategien peikar ut dei viktigaste innsatsområda for digitalisering. Helse Vest har innført ei rekkje store løysingar dei siste åra. No skal vi vektlegge brukarvennlegheit, auka brukskvalitet og god informasjonsflyt ved forbetring av digitale løysingar.
I Helse Vest har vi fleire prosjekt som skal bidra til forbetring, slik at sjukehusa er i stand til å møte kapasitetufordringar i framtida.
Prosjekta er delt inn i ulike område: pasientbehandling, økonomi og forsyning, infrastruktur for sjukehusdrift, medarbeidar, organisasjon, analyse, utdanning og kompetanse, og arkitektur- og datastyring.
Ei risiko med å innføra nye IKT-system i spesialisthelsetenesta, er at vi ikkje veit om vi nyttar dei digitale verktøya best mogleg. Det er viktig med kompetanse og meistring hos medarbeidarar.
Nytte av digitalisering er eit av områda vi jobbar særleg med knytt til risikostyring. Målet er å legge til rette for at nye, digitale løysingar blir tatt i bruk best mogleg, og at dei riktige løysingane blir prioritert utvikla.