Uønskt variasjon og prioritering
Framleis er det slik at kva spesialisthelsetenester pasientar får, i mange tilfelle kan vere avhengig av kvar dei bur. Helsetenesta gjer ulike vurderingar av like tilstandar. Dette fører til uønskt variasjon i ei teneste som har likskap som ein grunnlegjande verdi. Korleis kan ein redusere uønskt variasjon?
Spesialisthelsetenesta manglar ressursar til å levere helsetenester av optimal kvalitet på alle områder. Det er risiko for uønskt variasjon og at prioriteringane ikkje er gode nok.
Vi må arbeide systematisk med prioritering på alle nivå i tenesta for å sikre effektiv bruk av ressursane til fellesskapet, best mogleg bruk av kompetansen til personellet, og for å unngå overdiagnostikk og overbehandling.
Helse Vest skal utvikle eit rammeverk og verktøy for dette, slik at kliniske leiarar og medarbeiarar blir sett i stand til å identifisere uønskt variasjon og gjere gode prioriteringer.
Kve er uønskt variasjon?
Variasjon i bruk av helsetenester blir omtalt som uønskt dersom han ikkje kan forklarast med forskjellar i vanhelse, pasientpreferansar eller tilfeldig variasjon. Uønskt variasjon i bruk av helsetenester utfordrar prinsippet om likeverdig behandling og kan vere uttrykk for underbehandling, overbehandling eller feilbehandling.
| Målet med arbeidet er å utvikle eit rammeverk og verktøy, slik at kliniske leiarar og medarbeiarar blir sett i stand til å identifisere uønskt variasjon og gjere gode prioriteringer. |