Helse Vest RHF lyser ut inntil 18 millionar kroner til innovasjonsprosjekt. Fristen for å søke om midlar til innovasjonsprosjekt er 17. oktober 2023 kl. 13:00.
Skal ditt helseføretak i gang med komplekse prosjekt der de ønsker å samhandle med kommunehelsetjenesta? Planlegg de å sette i gang med heimesjukehus, men har utfordringar med å definere pasientforløp eller realisere gevinstar?
I slike prosjekt kan de få hjelp av InnoMed. Tilbudet er gratis, og du vil få dedikerte innovasjonsrådgivarar frå InnoMed som rådgivarar til ditt prosjekt.
Pilot Helse
Saman med dei andre regionale helseføretaka, KS og SIVA deltar Helse Vest RHF i Forskningsrådet si nye ordning Pilot Helse.
Pilot Helse er ei ordning som skal støtte ambisiøse og krevande innovasjonsløp. Støtta skal gje verksemder i offentleg sektor og bedrifter moglegheit for saman å etablere eit innovasjonsløp basert på behov hos pasientar, innbyggarar eller i dei offentlege helsetenestane.
Nyheiter om innovasjon
- 6. desember 202318 millionar til innovasjonsprosjekt i Helse Vest dei neste to åra
Heile 25 innovasjonsprosjekt får til saman 18 millionar kroner frå Helse Vest. Her er prosjekta som får støtte.
- 25. august 2023Helse Vest RHF lyser ut rekordstor pott til innovasjonsprosjekt
Totalt 18 millionar kroner blir lyst ut til nye innovasjonsprosjekt og idéoverføringar i Helse Vest. Den gledelege auka i potten skuldast eit nytt samarbeid med Kreftforeningen, som bidreg med eit par millionar kroner til øyremerka innovasjonsprosjekt innan kreft.
- 7. desember 202216 millionar til regionale innovasjonsprosjekt i Helse Vest dei neste to åra
Heile 22 innovasjonsprosjekt får til saman 16 millionar kroner frå Helse Vest. Her er prosjekta som får støtte.
Har du ein god idé?
Om du har pasienterfaring, er tilsett, pårørande, samarbeidspartnar eller representant frå næringslivet, er du velkommen til å dele ideen din med oss. Vi vil følgje opp forslaget ditt og gi deg ei rask tilbakemelding.
Sist oppdatert 24.04.2023