Hopp til innholdet

Velg språk

Tidlegare vinnarar av Kvalitetsprisen

Dei første åra blei Kvalitetsprisen delt ut på Helse Vest sin årlege forskingskonferanse. Anne Grimstvedt Kvalvik var den første som mottok prisen i 2007, og i 2010 blei den første Kvalitetskonferansen halde i regi av Helse Vest. Sidan har Kvalitetsprisen blitt delt ut årleg.

2021: Barnediabetesteamet ved Haugesund sjukehus
– Det er veldig stort for oss som team å få denne prisen. Vi har arbeidd oss sakte oppover og framover ved å endre rutinar og gjort systemendringar som har gitt varige resultat for pasientane. Vi har motiverte medarbeidarar som står på for...
2020: Haraldsplass Diakonale Sykehus
Haraldsplass Diakonale Sykehus får kvalitetsprisen i Helse Vest for 2020. Sjukehuset har gjennomført eit formidabelt forbetringsarbeid knytt til uønskte hendingar i samband med legemiddelhandtering. Sidan 2015 har sjukehuset redusert talet...
2019: Mottaksklinikken i Helse Stavanger
Mottaksklinikken i Helse Stavanger får årets kvalitetspris i Helse Vest. Prisen får dei for systematisk og brei satsing på å fremje pasienttryggleik og kvalitet. Rask avklaring når pasienten kjem til sjukehuset gir nemleg god pasienttryggleik.
2018: Soffien Ajmi og Knut Olav Sandve
Soffien Ajmi og Knut Olav Sandve frå Helse Stavanger er tildelte Helse Vest sin Kvalitetspris 2018. Dei får prisen for arbeidet sitt med å utvikle og innføre tverrfagleg simuleringstrening for behandling av pasientar med hjerneslag.
2017: Christian Moltu
Christian Moltu, fagsjef ved Psykiatrisk klinikk i Helse Førde, er tildelt Helse Vest sin Kvalitetspris 2017. Han får prisen for arbeidet med å utvikle og innføre The Norwegian Response System for Evaluation (NORSE) i Psykisk helsevern i Helse Førde.
2015: Arvid Haugen
Arvid Haugen, fagsjef i sjukepleie ved Kirurgisk serviceklinikk ved Haukeland universitetssjukehus er tildelt prisen for arbeidet med å vise effekten sjekklista for trygg kirurgi har på liggjetid, komplikasjonar og dødelegheit ved sjukehus i Helse Vest.
2014: Nevro-senteret ved Martin Kurz
Nevro-senteret ved Stavanger universitetssjukehus v/seksjonsoverlege Martin Kurz er tildelt prisen for arbeidet sitt med å skape eit saumlaust pasientforløp for pasientar med hjerneslag.
2013: TIPS-gruppa
TIPS-gruppa ved psykiatrisk divisjon, Stavanger universitetssjukehus, er tildelt Helse Vest sin kvalitetspris for 2013.
2012: Halvor Næss
Overlege Halvor Næss er tildelt Helse Vest sin kvalitetspris for å ha utvikla eit nyskapande register for slagpasientar – med stor effekt for både kvalitet og forsking.
2011: Guttorm Brattebø og Hans Flaatten
Brattebø fekk Kvalitetsprisen for arbeidet med det såkalla BEST-prosjektet, som han var med å starte i 1996. BEST står for ”Bedre og systematisk teamtrening”. Hans Flaatten har gjennom ei årrekkje stått sentralt i forbetringsarbeidet i Helse Vest.
2010: Christian von Plessen
Overlege PhD Christian von Plessen fekk prisen for sitt arbeid for kvalitetsforbetring gjennom fleire år ved lungeavdelinga ved Haukeland universitetssjukehus, Helse Bergen.
2016: Miriam Hartveit og Christian Beisland
Helse Vest sin Kvalitetspris gjekk i år til Miriam Hartveit ved Valen sjukehus i Helse Fonna og Christian Beisland og nyrekreftmiljøet i og rundt avdeling for urologi ved Haukeland universitetssjukehus i Helse Bergen.
2007: Anne Grimstvedt Kvalvik
Anne Grimstvedt Kvalvik var den første til å få Kvalitetsprisen i Helse Vest. Prisen fekk ho for å gi leddgiktpasientar betre behandling.
2008: Jan Erik Varhaug og Kjell-Morten Myhr
Jan Erik Varhaug fekk Kvalitetsprisen for si forsking på skjoldbruskkjertel- og brystkreftkirurgi. Kjell Morten Myhr fekk prisen på vegner av Nasjonalt kompetansesenter for MS.