Radiologiske prosedyrar
For å unngå at pasientar må ta dei same undersøkingane om igjen når dei går frå eitt sjukehus til eit anna, er radiologiske prosedyrar i Helse Vest standardisert. Protokollane er tekniske prosedyrar som viser korleis ein skal «køyre» MR- og CT-undersøkingar, og retningslinjene er anbefalingar for beste praksis.
Foto: Eirik Dankel, Helse Fonna
Arbeidet er eit samarbeid mellom radiologar, radiografar og fysikarar frå alle helseføretaka og private ideelle i Helse Vest. Private røntgeninstitutt deltar også. Andre fagområde deltar der det er behov.
Målet er å sikre at radiologiske undersøkingar blir utført så likt som mogleg i Helse Vest, og dermed unngå uønskt variasjon. Protokollane er minimumsprotokollar, som vil seie at undersøkinga svarer på problemstillinga, men at ein lokalt kan ha utvida protokollar om ønskt. Det utarbeidast protokollar som ikkje er utstyrsavhengig, med føresetnad av at ein lokalt utviklar protokollar som tek i vare både det som er vedtatt regionalt, og tilpassa til eigen utstyrspark. Private røntgeninstitutt, som har avtale med Helse Vest, skal følgje protokollane.
Ved å utføre undersøkingane på ein likeverdig måte, kan ein spare pasientane for unødig stråling og risiko.
Kontakt prosjektleiarar:
Mia Louise H. Mowinckel-Nilsen
Protokollar
CT
MR
Røntgen