Strategi for digitale helsetenester
D: Nettbasert behandling
Dette inneber at ein vesentleg del av oppfølginga og behandlinga blir gitt gjennom nettbaserte løysingar basert på ein behandlingsplan. Pasientane slepper dermed møte til like mange vanlege konsultasjonar og kan gjennomføra behandlinga heime når det passar og i samsvar med avtalt plan.
Tiltak:
- Etablere interregionalt samarbeid om utvikling og forvaltning av eBehandling.
- Auke bruk av eBehandling og integrere eBehandling inn i andre behandlingsforløp og på tvers av fagområde
- Etablere regional støtteeining for innhaldsproduksjon, digital utforming og innhaldsforvaltning; for eBehandling, pasientopplæring og informasjon i/om behandlingsforløp
Nettbasert behandling kan vera rettleidd på den måten at pasient kan kommunisera med ein behandlar i heile eller delar av forløpet. Der behandlinga ikkje er rettleidd blir omtalt dette ofte som eigenmeistring.
- eMeistring er terapeutrettleidd internettbehandling for panikkliding, sosial angst og depresjon som vart teken i bruk i 2013 i Helse Bergen og som seinare er teken i bruk av fleire helseføretak i Helse vest og i Noreg.
- Det er etablert chatbot-tenester, mellom anna for gravide med svangerskapsdiabetes, der den gravide kan kommunisera med og få svar frå ein chatbot/samtalerobot.
- Pust deg betre for lungesjuke utvikla i samarbeid med Helse Førde er ein app som kan blir brukt på mobiltelefon og som hjelper lungesjuke å utføra anerkjende pusteteknikkar for å fjerna slim og betre tungpust.
Nettbasert behandling har vore eit tilbod innan psykisk helsevern i fleire år. Utviklinga og oppskaleringa har likevel vore avgrensa av gamle teknologiske løysingar med eit ikkje godt nok brukargrensesnitt. Helseregionane samarbeider no om å skaffa ein moderne og felles teknisk løysing slik at bredding av dette tilbodet kan skje mykje raskare. Helseregionane samarbeider også om utarbeiding av nye behandlingsprogram og spreiing av desse; det er aktuelle behandlingsprogram innan psykisk helsevern, rusbehandling og somatikk.
For nettbasert behandling er god innhaldsutvikling krevjande. Det gjeld både den tekstlege, audiovisuelle og visuelle utforminga. Dei kliniske miljøa som utviklar nettbasert behandling, må få støtte frå spesialistar innan innhaldsproduksjon og digital utforming. Dette er spesialiserte tenester som bør etablerast på regionalt nivå.
Område og tiltak i strategien
A: Heilskapleg digital helsetenesteEi heilskapleg digital helseteneste har komponentar frå alle områda under – kommunikasjon mellom pasient og behandlar, oppfølging basert på informasjon frå pasient, nettbasert behandling og pasientopplæring. Andre tenester slik som legemiddelgjennomgang og samtale om legemiddelbruk kan også vera ein del av dette.
B: Kommunikasjon mellom pasient og behandlarDet er eit stort potensial for å auka bruken, spesielt dersom det blir utvikla meir heilskaplege digitale helsetenester der digital dialog er ein av fleire komponentar. Det har til no vore mest fokus på telefon- og videokonsultasjonar, men det er andre former for meldingsutveksling mellom pasient og behandlar som har mest potensiale for å redusera tidsbruken til helsepersonellet.
C: Oppfølging basert på informasjon frå pasientenDenne hovudgruppa av digitale helsetenester inneber at pasientane kan få tilpassa oppfølging basert på informasjon frå pasienten. Informasjon frå pasient kan vera eigenregistrering ved utfylling av strukturert skjema og datafangst frå det medisinske utstyret til pasienten.
D: Nettbasert behandlingDette inneber at ein vesentleg del av oppfølginga og behandlinga blir gitt gjennom nettbaserte løysingar basert på ein behandlingsplan. Pasientane slepper dermed møte til like mange vanlege konsultasjonar og kan gjennomføra behandlinga heime når det passar og i samsvar med avtalt plan.
E: PasientopplæringDenne hovudgruppa av digitale helsetenester inneber at pasientar kan få tilgang til digitale opplæringsprogram for meistring av eigen sjukdom. Dette kan vera både rettleidd og ikkje-rettleidd opplæring, og det kan vera både individuell og gruppebasert opplæring.
F: Digital plattformMed digital plattform siktar ein til dei systemløysingar og tekniske eigenskapar som mogleggjer auka endringsevne, enklare tilgang til data og meir brukarnær tenesteutvikling . Eit døme kan vera at Helse vest har sett som mål at pasientane skal bruka Helsenoreg for å få kontakt med spesialisthelsetenesta og at helsepersonellet vårt skal bruka DIPS som hovudjournal.