Om fagsenter for medisinske kvalitetsregister

Fagsenteret har ein regional funksjon og har kompetanse innanfor registeroppbygging og registeradministrasjon, jus, IKT, statistikk, analyse og kvalitetsforbetringsmetodikk, og gir bistand innanfor desse områda.

Fagsenteret er organisatorisk lagt til i Helse Bergen ved Forskings- og utviklingsavdelinga, og held til i Jonas Lies vei 68 ved Haukeland universitetssjukehus. Fagsenteret er, saman med andre regionale fagsenter, ein del av Nasjonalt servicemiljø for medisinske kvalitetsregistre.

Fagsenteret kan bistå med etablering, drift og utvikling av kvalitetsregister herunder:

Kvalitetsforbetring
Analyse og rapportering
Datakvalitet
Jus og personvern
Teknisk løysing
Formidling av resultat
Undervising, rettleiing og arrangement
Utlysing og tildeling av prosjektmidlar

Fagsenteret inngår i ei nettverksorganisering leia av Nasjonalt servicemiljø for medisinske kvalitetsregister, Helse Nord RHF. Fagsenteret har eit nært samarbeid med dei regionale einingane, Helse Vest IKT og Fagsenter for pasientrapporterte data.

Nasjonalt servicemiljø for medisinske kvalitetsregister blei etablert i 2009 og er organisert i Senter for klinisk dokumentasjon og evaluering (SKDE) i Helse Nord. Dette er eit kompetansemiljø som har fått i oppgåve å sikre drift og god utnytting av dei medisinske kvalitetsregistera. Dei regionale einingane har eit særskilt ansvar overfor dei nasjonale kvalitetsregister tillagt «sitt» regionale helseføretak.

Les meir om Nasjonalt servicemiljø

Styringsorgan for IKT-løysingar for medisinske kvalitetsregister i Helse Vest er etablert ut frå eit behov for eit nytt vedtaksforum for å rapportere og ta avgjerdslar om utvikling av teknisk løysing.

Styringsorgan for IKT-løysingar for medisinske kvalitetsregister i Helse Vest (PDF)

Om fagsenter for medisinske kvalitetsregister

Kva kan vi bistå med?

Organisering