Om nasjonale medisinske kvalitetsregister

Hovudformålet med dei medisinske kvalitetsregistra er å bidra til betre kvalitet for pasienten, og minske uønska variasjon i helsetilbod og behandlingskvalitet. 

Registera inneheld strukturert informasjon frå heile behandlingsforløpet: diagnostikk, behandling og oppfølging, i tillegg til resultat av behanding. Dette gir kunnskap om urettmessig variasjon og kvalitet i helsetenesta. Resultat frå registera skal brukast til kvalitetsforbetring, og vere ei kjelde til kvalitetssikring og forsking.

Eit kvalitetsregister med nasjonal status skal samle inn data frå alle aktuelle sjukehus i Noreg.

​​​​​​​​Oversikt over nasjonale medisinske kvalitetsregistre

Her finn du oversikt over alle nasjonale medisinske kvalitetsregistre med nasjonal status.

Sjå overs​ikt​

​​​Rapportar og resultat

​​​​​Strategi- og handlingsplan​

Interregional styringsgruppe har utarbeidd​​ ein nasjonal strategi for arbeidet med nasjonale medisinske kvalitetsregister frå 2021 til 2023. Strategien skal svare på forventingar til framtidig funksjon og bruk av registera, og legg til grunn at nasjonale kvalitetsregister skal vere eit viktig verkemiddel for å nå sentrale helsepolitiske mål. ​

Strategi- og handlingsplan for nasjonale medisinske kvalitetsregistre 2021-2023

​​​​Statusrapportar

Statusrapportar for nasjonale medisinske kvalitetsregister vert publisert årleg frå Nasjonalt servicemiljø. Statusrapporten skildrar utvikling på feltet og satsingsområder i året som er gått. 

Statusrapportar for nasjonale medisinske kvalitetsregistre

​​​​​Årsrapportar

Kvart år utarbeidar dei nasjonale kvalitetsregistera årsapport med plan for forbetringstiltak. Under finn du ei samla oversikt over alle årsrapportar frå dei nasjonale kvalitetsregistra​.

Årsapportar for nasjonale medisinske kvalitetsregistre​​
​​​​​Sjukehusvisaren

Sjukehusvisaren er ein interaktiv resultaframvising av resultat frå dei nasjonale medisinske kvalitetsregistra. Her kan ein velge eit eller fleire sjukehus for å få ei samla oversikt eller samanlikne resultat med andre. ​

Sjå sjukehusvisaren​​

​Søkbare midlar

​​​​​Regionale stimuleringsmidlar​

På vegne av Helse Vest vert det årleg lyst ut stimuleringsmidlar på opp til 150 000,-. Formålet med midlane er stimulere til bruk av data frå kvalitetsregister til forbetringsarbeid.

Les meir

​​​​​​Nasjonale midlar til kvalitetsforbetringsarbeid

Nasjonalt servicemiljø for medisinske kvalitetsregistre lyser årleg ut midlar til kvalitetsforbetringsarbeid.

Midlane vert lyste ut i første kvartal med søknadsfrist 1. september, og både dei nasjonale kvalitetsregistra og alle avdelingar som ynskjer å nytte data frå dei nasjonale kvalitetsregistra kan søke om desse midlane.

Les meir

​​Nasjonale midlar til datakvalitet
Nasjonalt servicemiljø for medisinske kvalitetsregistre lyser årleg ut prosjektmidlar til arbeid for å auke datakvaliteten i dei nasjonale kvalitetsregistra. 

Les meir​​​

​​​Organisering

Fagsenteret inngår i ei nettverksorganisering leia av Nasjonalt servicemiljø for medisinske kvalitetsregistre, Helse Nord RHF. Fagsenteret har eit nært samarbeid med dei regionale einingane, Helse Vest IKT og Fagsenter for pasientrapporterte data.

Nasjonalt servicemiljø for medisinske kvalitetsregistre blei etablert i 2009 og er organisert i Senter for klinisk dokumentasjon og evaluering (SKDE) i Helse Nord. Dette er eit kompetansemiljø som har fått i oppgåve å sikre drift og god utnytting av dei medisinske kvalitetsregistera. Dei regionale einingane har eit særskilt ansvar overfor dei nasjonale kvalitetsregister tillagt «sitt» regionale helseføretak.​

​Les meir om Nasjonalt servi​cemiljø​​​

Styringsorgan for IKT-løysingar for medisinske kvalitetsregister i Helse Vest er etablert ut frå eit behov for eit nytt vedtaksforum for å rapportere og ta avgjerdslar om utvikling av teknisk løysing.

Sjå mandat (PDF)


Fann du det du leitte etter?