Vi skal belaste klimaet og miljøet minst mogleg, vere opne om prioriteringar og ressursbruk og sikre anstendige arbeidsforhold hos oss og leverandørane våre.
Formålet med rammeverket for samfunnsansvar er å klargjere rammene og føringane for korleis spesialisthelsetenesta skal arbeide med samfunnsansvar.
Spesialisthelsetjenestens rammeverk for samfunnsansvar (PDF)
Rapporteringsveileder for felles klima- og miljømål.
Rammeverket for samfunnsansvar gjeld for dei regionale helseføretaka og helseføretaka i Helse Nord, Helse Midt-Norge, Helse Vest og Helse Sør-Øst, og felleseigde helseføretak.
Arbeidet med samfunnsansvar skal inngå som del av verksemdstyringa i dei regionale helseføretaka og i helseføretaka. Administrerande direktør skal innrette verksemda slik at føringar og krav knytte til samfunnsansvaret blir oppfylte.
Styra har det overordna ansvaret for å sjå til at verksemdene oppfyller gjeldande føringar og krav til samfunnsansvar. Dei regionale helseføretaka skal leggje til rette for regional og nasjonal samordning og koordinering av arbeidet med samfunnsansvar i spesialisthelsetenesta.
Hausten 2021 vedtok dei fire regionale helseføretaka felles klima- og miljømål for spesialisthelsetenesta, med tilhøyrande indikatorar. Desse inngår som ein viktig del av rammeverket for samfunnsansvar, og er skildra nedanfor. Måla og indikatorane blir brukte til å følgje opp arbeidet med klima og miljø i helseføretaket (sjukehusa), og underbyggjer tiltaka i Klimameldinga (Meld. St. 13 (2020-2021)).
