Utlysing av midlar til forsking i mindre helseføretak og i private, ideelle institusjonar som har avtale med Helse Vest

1. Strategisk satsing (prosjektstøtte)

Strategiske satsingar til mindre helseføretak skal vera meir enn eit ordinært forskingsprosjekt. Satsingane til mindre helseføretak skal vere eit insentiv og økonomisk bidrag til å sikra forsking og oppbygginga av forskingskompetanse og forskingsmiljø i dei mindre helseføretaka både i tildelingsperioden og vidare. Dersom prosjektet skal støtte opp om Vestlandslegen skal ein gjere greie for korleis det vil bidra til å fremje realisering av ordninga.     

Kven kan søkje – krav på søknadstidspunktet:  

Det skal vere éin prosjektleiar og éin ansvarleg institusjon i kvar satsing. Prosjektleiar – den som er fagleg ansvarleg for prosjektet – skal stå som søkjar. Søkjar skal som eit minimum ha avlagt doktorgrad. Søkjaren må ha hovudtilknyting ved søkjarinstitusjonen, sjå over. 

Kva kan det søkjast om: 

Personell:  

• Frikjøp av klinikar (grunnløn) 

• Forskingsstøttepersonell som koordinator, laboratorieteknikar, forskingssjukepleiar mv.  

• Doktorgradsstipend og postdoktorstipend – det kan søkjast om både namngjevne og ikkje-namngjevne stipend. Det kan søkjast om inntil 75 % av Helse Vests stipendsats. Satsen skal dekke til løn med sosiale utgifter og til drift av prosjektet. 

Drift:  

• Driftskostnadar inkludert kostnadar til brukarmedverknad
• Nettverksaktivitetar (til dømes konferansar, møteverksemd)

Merk at det ikkje kan søkjast om midlar til infrastruktur/utstyr. Det kan heller ikkje søkjast om forskarløn utover det som er presisert over.  

Prosjektet skal sette av midlar til prosjektleiing og koordinering. Dette skal synleggjerast i søknadsskjemaets budsjettmodul.  

Tildelingsramma per prosjekt (finansiert av Helse Vest) er minimum kr 1 mill. årleg og maksimum kr 2,5 mill. årleg i 3 år. 

2. Strategisk kompetansebygging (ph.d.-stipend)

Stipenda må vere knytt til Vestlandslegen i Helse Førde eller Helse Fonna. Ein skal gjere greie for korleis prosjektet vil bidra til å fremje realisering av Vestlandslegen.

Kven kan søkje – krav på søknadstidspunktet:  

For søknadar om doktorgradsstipend skal stipendiaten stå som søkjar, og stipendet kan ikkje overførast til andre. Søkjar må ha avlagt masterutdanning eller motsvarande (jf. krav om karakterutskrift som skal leggjast ved søknaden). Søkjar kan ikkje sende inn fleire søknader i same søknadskategori. 

Søkjaren må ha hovudtilknyting ved søkjarinstitusjonen, sjå over. 

Namn på rettleiarar, prosjektleiar og anna skal gå fram av deltakarlista, jf. søknadsskjema. Minst éin av rettleiarane skal vere tilsett ved eit universitet eller høgskule i regionen. Hovudrettleiar må ha hovudstilling ved ein institusjon i Norge, som hovudregel i regionen. 

Kva kan det søkjast om:  

Det kan søkjast om doktorgradsstipend for anten tre år (100 % stilling) eller seks år (50 % stilling).  Doktorgradsstipend blir tildelt etter sats som blir regulert årleg med utgangspunkt i estimert prisstigning i statsbudsjettet. Det kan søkjast om inntil 75 % av Helse Vests stipendsats. Satsen skal dekke til løn med sosiale utgifter og til drift av prosjektet.  

Behov for driftsmidlar ut over det som ligg i stipendsatsen, skal dekkjast frå andre kjelder. I søknaden må det gjerast greie for finansiering av kostnadar som er nødvendig for å gjennomføre prosjektet, men som ikkje dekkjast av satsen. 

Det kan ikkje søkjast om stipend for fullføring av doktorgrad. 

Søknadane vil bli vurdert ut frå vitskapeleg kvalitet og nytte. Dei to kriteria er likeverdige i den meining at høg nytte eller høg kvalitet aleine ikkje er tilstrekkeleg for tildeling av midlar. Desse hovudelementa inngår i vurderinga: 

Vitskapeleg kvalitet  

1. Design og originalitet, 20 %
2. Gjennomføring, 20 %
3. Søkjar og forskingsmiljø, 10 %

Forventa nytteverdi  

1. Grunngjeving i behov, 20 %
2. Implementering, 20 %
3. Betydning av ny kunnskap og kompetansebygging, 10 %
   

Andre obligatoriske element i vurdering av søknader er gjennomslagskraft og synlegheit samt plan for brukarmedverknad. Les meir om kva som inngår i vurderingskriteriene på Helse Vests nettsider for forsking: Formål og kriterium - Helse Vest RHF. Vurderinga av vitskapeleg kvalitet og nytte vil bli gjort av ein ekstern vurderingskomité, dvs. med medlemmer utanfrå Helse Vest.    

Søknadar som ikkje oppfyller krava sett for utlysinga kan bli avviste. Prosjektleiar (søkjar) har ansvar for å sikre at søknaden er komplett og at alle krav er overhaldne.  

• Personell finansiert av midlane skal tilsetjast i søkjarinstitusjonen. 

• Forskingsmidlane skal tildelast og handterast av søkjarinstitusjonen. 

• Midlane kan berre nyttast til prosjektet det er søkt midlar til. 

• Midlane skal nyttast i tråd med tildelinga, dei overordna retningslinjene og prinsippa for Helse Vest sine forskingsmidlar og søkjarinstitusjonane sine retningslinjer. 

• Det kan ikkje takast dekningsbidrag av midlane. 

Søknaden skal leveres via eSøknad

To obligatoriske vedlegg skal følgje den elektroniske søknaden:

1. Prosjektframstilling. Det er utarbeidd ein mal for prosjektframstilling.
2. Andre vedlegg:
   • Søkers CV og publikasjonsliste siste 5 år. Det skal tydelig skilles mellom vitenskapelige artikler og andre forskningspublikasjoner.
   • For søknad om ph.d.-stipend skal hovedveileders CV og publikasjonsliste (siste fem år) legges ved
   • CV og publikasjonsliste kan også legges ved for sentrale samarbeidspartnere. 
   • Uttalelse fra ledelsen ved søkerinstitusjonen der det bekreftes at søkerinstitusjonen stiller opp med egenandel, og det beskrives hvordan prosjektet er strategisk viktig og evt. bygger opp under realiseringen av Vestlandslegen. Bruk egen mal til dette. 

Merk: Manglende vedlegg vil føre til at søknaden ikke blir faglig vurdert.